الرأي:

ـ دخيلك يا حكيم, طمّني؟ شو بو "بو توفيق"؟

ـ قديش صرلو ع هالحالة يا مدام؟

ـ تقريباً من آخر شهر رمضان. هيك فجأة, صار يرجف ويقشط ضغطو, وبيضل حزين ومفؤوس وزعلان.

ـ بسيطة يا مدام إم توفيق رح شوف شو القصة. شو يا بو توفيق؟ ليش زعلان؟ خير؟

ـ منين بدو يجي الخير يا حكيم. عزيز حرقولو البيانو من بعد ما احترق قلبو عَ بيّو المخطوف ع معبر المدفون, وجميل باع كلوتو من الفقر والتعتير, وتشاتاي خان يلدز, وسارية الفاسدة غدرت بالبنت اللي ربّتا بالشبر والندر كرمال الدوووولار, وحنان طلع معها سرطان والدوا مقطوع وإذا انوجد بيكون مضروب, وأمين وأنوشكا نزعولي دينتي الموسيقية بطقطوقة "دشش", وسحر وريم خلص, بح, bon voyage راحوا وما بقى رح يرجعوا… أخ يا حكيم, حاسس حالي مفؤوس ومطربق عَ قلبي ورح غيب عن الوعي.

ـ روق روق يا حبيبي بو توفيق, هيدول متسلسلات عالتلفزيون, يعني مش مزبوطين, ومش حرزانة تدبّرس كرمالن, مش هيك يا حكيم؟

ـ مزبوط مزبوط.

ـ طيّب شو رح توصفلو دوا يا حكيم؟

ـ أهم شي أوعا يحضر مسلسل "أخبار بريق الزيت" اللي بينعرض الساعة ٨ عَ كل محطات التلفزيون, وكل يوم قبل الأكل وبعد, خليه يحضر محطة Tiji حتى ما تيجيه الفأسة.

للإشتراك في "المسيرة" Online:

http://www.almassira.com/subscription/signup/index

from Australia: 0415311113 or: australia@almassira.com​​​​​​​​​​​​​​​​