وفاة والدة الفنان غدي... "٤٠ سنة وجع لو جبل كان نهدّ"
Nov 19, 2022
فُجع الفنان اللبناني غدي بوفاة والدته رينيه وديع صعب, وودّعها بمنشورٍ مؤثر عبر حسابه على موقع التواصل الإجتماعي فيسبوك.
ودوّن الفنان غدي "الله معك يا حنونة يا جبارة يا ملكة يا مِحبّة ويا محبوبة ويا عمري كلو. رح تضلك شمعة حياتي والإنسانة يلي بفتخر فيها وبشوف حالي فيها وقصصك ومزحاتك وضحكاتك رغم وجعك كل هالسنين ونصايحك رح تضل ترافقني بكل يلي باقي من حياتي لحد ما نرجع نلتقي".
وتابع غدي قائلاً: "انتِ يللي متلك ما بيموتوا يا إمي. ناطرك كل ليلة تزوريني بمنامي وتخبريني شو عاملي فوق بالسما مع الملايكة مطرح يلي ما في وجع لانو كفاكي وجع على طول ٤٠ سنة ولك لو جبل كان نهدّ وانت ضلّيتي متل الصخرة عم بتحاربي بصمت وتعلمينا حب الحياة والقوة بهالدني".
وختم غدي رسالته المؤثرة بالقول "يا أسطورة حياتي انتِ يا ماما, هونيك عند يسوع بس في حب وصلاة وسلام. اليوم ودعتك انا وحبيب قلبك رافاييل وبوعدك دايماً خبّرو عنك وحضّرو فيديواتك وعلّمو يحبك قد ما بتحبيه يا ماما. الكلام بيخلص هون بس قصتنا خالدة يا إمي يا إم طوني".
